Entitateak
Aholkularitza juridikoa arlo ezberdinetan ematen duen kooperatiba dira.
2009an sortutako kooperatiba txikia gara, nagusiki arlo laboral, kontablea eta fiskalean ematen dugu zerbitzua. Enpresa egitasmoak gauzatzen laguntzen dugu. Bezeroak izan ditzakeen beste hainbat beharren aurrean laguntza ere ematen dugu, bakoitzaren neurrirako zerbitzua emanez.
Arrigorri Ostatu Jatetxea Arrikoop kooperatibako bazkideek kudeatzen dugu, ekonomia sozial eraldatzaileko gestio publiko, komunitario, kooperatiboaren ereduan oinarritzen da. Honekin batera, gure helburuetako batzuk turismo aktibo eta sostengarria sustatzea da.
Asaken sokak erabiliz lan bertikalak egiten dituen puntako enpresa da. 2005etik dabiltza lanean, eta nazioartean erreferente dira.
Sektore zorrotzenetan lan egiten dute konplexutasun handiko proiektuak gauzatuz. Kalitatea eta segurtasuna ezin dira edonoren eskuetan jarri.
------
Astra tresna konpartitua da, inguruan duen komunitateak autogestionatzen duen espazioa. Arma fabrika zaharra zen, urteak zeramatzan abandoratuta, eta Gernikako bizilagunek autogestionatutako espazio gisa berreskuratu zuten.
Aztiker Soziologia Ikergunea kooperatiba elkarte txikia, (IFK: F-20740767)
BIDEAN elkartea "Aginagako Jai Batzordea – Agiñako Gaztiak", Aginagako Gazte Elkartetik, 2011n sortu zen. Auzolaneko jarduerak sustatu eta kudeatzea, kultur ekitaldiak antolatzea eta auzoa dinamizatzea ditu helburu. 19 eta 29 urte bitarteko 20 gaztek osatzen dute eta harreman oso onak ditu herriko beste elkarteekin.
Bira Produkzioak, 2017an sortutako kooperatiba gara. Ikus-entzunezko komunikazioa, bideogintza eta gidoigintza lanak egiten ditugu, baita publizitatea, ekitaldien jarraipenak edota bideoklipak ere. Ideia jarioak mantentzen du Bira Produkzioaken bihotza bizirik, eta ideia jario horrek sortutako olatuan surfeatu nahiko genuke.
Bizkaigane Elkartean nekazaritza eta abeltzantza ekologikoa egiten dugu eta eguneko esne gordina eta esnekiak ekoizten ditugu. Errigoitin gaude, Bizkaian. 35 urte baino gehiago daramagu martxan. Gaur egun 7 pertsona gaude lanean, 5 gizon eta 2 emakume, adin desberdinetakoak. Lan rotazionala egiten dugu, denek danetarik egiten jakin behar dugu gutxi gora behera.
Orriak
- 1
- 2
- 3
- 4
- hurrengoa ›
- azkena »