Fundazioak aurten zabalduko du kooperatibak onartutako Plangintza. Zeharkako ardatzak arrazakeriaren aurkakoa, ekologismoa, feminismoak eta ESEn subjektu berriak sartzea dira. Erdigunean, berriz, jendarte-bazterketa, lan-prekarietatea, desberdintasunak, landa eremua eta trantsizio ekologikoa.
Coop57 Fundazioa 2014an sortu zen, eztabaida kolektibo luze baten ondorioz, kooperatibak egindako lanaren osagarri den jendarte-tresna gisa. Coop57 ohiko lanean iritsi ezin zen eremuak betetzeko jaio zen. Egindako lana berrikusi eta aztertzeko urtea izan da 2019a eta dagoeneko hasita dagoen bultzada berri bat proposatu da.
Lantaldea: eztabaidarako eta hausnarketarako urte bat
Coop57ko Kontseilu Errektoreak bultzatuta, 2019ko urtarrilean lantalde bat eratu zen, lurralde-sail guztietako kideek osatua, eta Fundazioaren lana berrabiarazteko proposamena egin zuen. Batzar Orokorrak, ondorioak jaso ondoren, onartu eta berretsi egin zituen. Joan den azaroan, Kontseilu Errektoreak argi berdea eman zuen 2020. urterako Plangintzan; bertan, baliabideak eskuratzeko, lurralde-sareak eraikitzeko eta fnantza-autogestiorako kanpaina bat dago jaso da.
Kanporantz, barrurantz
Atetik kanpo, esku hartzeko lau ildo nagusiak, azken urteotako hasierako lanetik sortuak, justizia soziala eta trantsizio ekologikoan oinarritzen dira. Hauek izango dira: jendartedesberdintasunen aurkako borroka; lan-prekarietatearen eta bazterketa sindikalaren aurkako borroka; beharrezkoa den beharrezkoa den ekologia- eta energia-eraldaketa sustatzea; eta landa-mundua suspertzea. Lan eremu guztietan zeharkako lehentasunak
ezarriko dira: arrazakeriaren aurkakoa, feminismoak, ekologismoa eta normalean baztertu edo egokitu gabekoak diren eragile berriak ekonomia sozial eraldatzailera ekartzea.
Etxe barruan, Fundazioak ere erronka garrantzitsuak ditu: fnantza-autogestioa bermatzea, gizarte-oinarri sendo eta egonkor batekin —beraz, 2020an bazkide berriak hartzeko kanpaina bat izango du— gobernantza-eredu arina, ekonomikoa eta erabilgarria egituratzea, lurralde-sail guztien inplikazioarekin.
Gainera, Fundazioak komunikazio-ahalegin gehigarria egingo du, eta pentsamenduaren, birmoldaketaren eta alternatiba kolektiboen hedapenaren esparrua defnitzen hasiko da, egungo eredu kapitalista, harrapakari eta patriarkaletik eratorria.
