Entidades
Cooperativa de Ourense que impulsa proxectos sociais, educativos e xurídicos en Europa, os E.E.U.U. e en Iberoamérica. Ofrecen servizos de acompañamento para a creación de cooperativas, formación en igualdade para escolas, elaboración de plans de igualdade para empresas.
En Intergal traballan para desenvolver aplicacións de xestión á medida, tanto para a administración pública como para empresas privadas.
Melandrainas Creativa Sociedade Cooperativa Galega nace para dar saída as propias inquedanzas personais, cubrir unha demanda puntual de actividades para o tempo de lecer, desenvolver habilidades e coñecementos propios e como mellora á actual situación laboral das socias cooperativistas.
Cooperativa aberta desde o ano 1994, dedicada á fabricación, reconstrución e reparación de formigoneiras sobre camión de todas as marcas, modelos e tamaños, a nivel nacional.
MILHULLOA S. COOP. GALEGA. é unha empresa cuxo obxecto social é o cultivo ecolóxico, tanto de plantas medicinais como de hortalizas. Está situada en Palas de Rei (Lugo) á beira do Camiño Frances ao seu paso pola comarca da Ulloa.
Un cinema, unha libraría e un laboratorio de deseño, comunicación e produción audiovisual. Somos unha cooperativa de traballo asociado sen ánimo de lucro formada por persoas procedentes de diversos ámbitos da creación e difucsión cultural, que decidimos colaborar para facermos xuntos o que estabamos afeitos a facer por separado.
Cooperativa cultural de Vigo na que traballan desde a súa experiencia nos campos do deseño, a xestión, a produción e a comunicación no mundo cultural.
Pegadas realiza servizos de xestión cultural, de xestión dixital, e de serigrafía e rotulación. Traballan para empresas, asociacións, e institucións entre outros clientes, e contan cun equipo humano moi profesional.
Rexenerando é unha cooperativa de traballo asociado composta por un equipo aberto, dinámico e multidisciplinar. Especialistas en igualdade, servizos sociais, formación, cultura e dinamización de grupos. Contan cunha ampla experiencia traballando na Administración Pública, en sindicatos, ONG´s e en consultorías.
Ribeira do Navia é unha cooperativa de traballo asociado, nacida no ano 2011 en Negueira de Muñiz. As persoas socias xa viñan desenvolvendo as actividades de produción ecolóxica de froitas e verduras para a elaboración artesanal de zumes e conservas vexetais. A actividade cooperativizada a través da cooperativa tamén inclúe actividades comerciais e de restauración.