Fronte á situación excepcional do  COVID19, reflexionamos desde o  cooperativismo. Máis que nunca, é a hora dos coidados, a  coresponsabilidad colectiva, a solidariedade e a  autodefensa comunitaria. Así como de axudar, desde o apoio  mútuo, aos colectivos en risco máis vulnerables.

As recomendacións sanitarias e hixiénicas e os decretos oficiais que modifican a nosa vida cotiá están orientados a gañar tempo para garantir unha resposta sólida, co urxente obxectivo común de atrasar e frear os niveis de contaxio. Todas somos imprescindibles.
 
A situación é excepcionalmente nova no territorio europeo. Pero estes días poñemos, máis que nunca, a vida no centro. Coidádevos, coidade, coidémonos e que vos coiden. 
 
No ámbito operativo, todas as oficinas de Coop57, seguindo as directrices de prevención das autoridades sanitarias, tomamos medidas para conter a propagación do COVID19 e minimizar a exposición ao risco das diferentes persoas implicadas. 
 
As principais medidas son:
 
  • Continuamos traballando para garantir a operativa básica de todas as socias, sexan colaboradoras ou de servizos.
  • Canle de comunicación principal: por correo electrónico
  • A oficina virtual funciona con normalidade
  • Non se fará atención presencial en oficina
 
De momento, todas estas medidas teñen vixencia desde o luns 16 ata o venres 27 de marzo de 2020. A partir da evolución dos acontecementos estes días, seguiremos informando. Grazas a todas as persoas e entidades que facedes posible  Coop57.
 
Todas as oficinas de Coop57 seguen operativas de forma telemática. Para contactar coa vosa secretaría, aquí tedes os correos electrónicos das Seccións Territoriais: